NALIKA WANCI TUNGGANG GUNUNG
Sastra Atmaja, S.S.
Guru mata pelajaran Basa Sunda dan Seni Budaya
SMK Negeri Pertanian Pembangunan Cianjur
NALIKA WANCI TUNGGANG GUNUNG
Sastra Atmaja
Hirup katungkul ku umur
Pasti digurat ku langit
Isuk diganti ku soré
Beurang diwatesan peuting
Hirup didodoho pati
Paburu-buru jeung waktu
Pabéja-béja jeung kala
Tangara haréwos langit
Méré béja téréh mulang
Dipundut kunu kagungan
Ngarandeg palebah bingung
Seunggah mapag kala pati
Diri anteng ngulik dunya
Ngaberung napsu ngumbar kahayang
Lat poho kana papastén diri
Cunduk waktu nu rahayu
Nitih wanci nu mustari
Ninggang mangsa nu utama
Papasten Gusti pasti ngabukti
Naon nya pibekeleun diri
